top of page
  • ეს არის კინო

ტორინოფილმლაბის სერიალების განვითარების რეზიდენცია საქართველოში

სტუდია მილიმეტრ ფილმის ორგანიზებით, კავკასიის რეგიონში პირველად,
ბათუმში, 13-18 სექტემბერს გლობალური მნიშვნელობის პლატფორმა TorinoFilmLab-ი
ჩამოდის. სასტუმრო ჰილტონ ბათუმში სერიალების პროგრამა SeriesLab & Series
Talents გაიმართება ფოკუსით საქართველოზე, რომელიც მოიცავს მასტერკლასების,
ვორქშოფებისა და მენტორინგის სესიებს ქართველი და საერთაშორისო
სცენარისტებისა და რეჟისორებისთვის, რომლებიც სერიალების პროექტებზე
მუშაობენ. პროგრამისთვის ოთხი ქართული პროექტი შეირჩა. საერთაშორისო
აუდიოვიზუალური ინდუსტრიის ა-კლასის მენტორები ასევე გამართავენ პანელურ
დიასკუსიას, მასერკლასებს და გაცნობითი ხასიათის ღონისძიებებს ქართული კინო
და ტელეინდუსტრიის წარმომადგენლებთან და სატელევიზიო და ვებ-სერიალების
სფეროთი დაინტერესებულ პუბლიკასთან. ეს ინდუსტრიული ღონისძიებები საჯაროა
და გაიმართება 14 და 15 სექტემბერს.
პროექტის მიზანი საქართველოში  მაღალმხატვრული ეპიზოდური დრამის წერის
უნარების განვითარება და ქვეყნის მასშტაბით ტელე და ვებ-სერიალების დარგის
განვითარების ხელშეწყობა და პოპულარიზაციაა.
ტორინოფილმლაბის სერიალების ლაბორატორიის განმავლობაში მონაწილეები
წარმატებული სატელევიზიო და ვებ-სერიალის სცენარის შექმნისა და
განვითარებისთვის საჭირო უმთავრეს ელემენტებს შეისწავლიან. რეზიდენციის
განმავლობაში ევროპის წამყვანი პროფესიონალები ქართველ ექსპერტებთან ერთად
შერჩეულ მონაწილეებს საკუთარ ცოდნას, გამოცდილებას და ექსკლუზიურ ხედვას
გაუზიარებენ. სცენარის კონსულტანტების დახმარებით მონაწილეები საკუთარ
სცენარებს დახვეწენ, ამბავს მეტ სიღრმეს შესძენენ და, საბოლოო ჯამში, შეძლებენ
საპილოტე სერიის სცენარი სრულყოფილი სახით წარადგინონ პროდიუსერების
წინაშე.

პროგრამისთვის შემდეგი ქართული პროექტები შეირჩა:

ორობოროსი ჟანრი: თრილერი, მისტიკა პროექტის გუნდი: გიგიშა აბაშიძე, გეგა აფაქიძე, ლევან კვარაცხელია
ედვარდ კელი ჟანრი: დრამა, დეტექტივი, ფანტასტიკა სცენარისტი: გვანცა მეფარიშვილი
კვანტური თამაში ჟანრი: პროექტის გუნდი: ანა სარუხანოვა, გიორგი აბაშვილი
მშვიდი ქალბატონი ჟანრი: შავი კომედია პროექტის გუნდი: სანდრო სულაძე, რადეკ ვეგრზინი.
ტორინოფილმლაბ-ის პროგრამაში წარსულში მონაწილე სცენარისტებმა და
რეჟისორებმა ხსენებული მასტერკლასებისა და ტრენინგის გავლის შემდგომ
საკუთარი პროექტებისათვის მოახერხეს ისეთი პარტნიორების მოძიება, როგორებიც
არის HBO, Sky, Topkapi Films, Amazon Studios, Attraction Images, H&V
Entertainment, და სხვები. 
პროგრამას და ინდუსტრიულ ღონისძიებებს გაუძღვებიან შემდგომი მენტორები:
ესთერ ანჯალოსი (უნგრეთი) სცენარისტი, მწერალი და სცენარის ტუტორი. ესთერი
მრავალი წლისგანმავლობაში იყო HBO უნგრეთის რედაქტორი კინოსცენარების
განვითარების მიმართულებით.

ლიუკ ფრანკლინი (დიდი ბრიტანეთი) პროდიუსერი. ლუკმა იმონაწილევა ისეთი
ლეგენდარული სერიალის შექმნაში, როგორიცაა "The Man In the High Castle." ლუკ ფრანკლინი უძღვება სერიალების შექმნის ხელოვნების კურსს
ბერლინის კინოსკოლაში DFFB. იგი არის BAFTA-ს წევრი და Swedish label Yellow Bird-
ის დამფუძნებელი. ლუკი არის სცენარისტი წარმატებული ტელე პროექტებისა
Ransom (არხი CBS), Lost in Austen (არხი Peacock), Inspector Lewis (არხი PBS).
ენ ფეინზილბერი (დიდი ბრიტანეთი) არაერთი ჯილდოს მქონე რეჟისორი და
სცენარისტი.პარიზის კინოსკოლის La Femis-ის პროფესორი, მისი ფილმი REQUIEM
FOR BILLY THE KID წარდგენილი იყო კანის საერთაშორისო კინოფესტივალზე, ასევე
კანში ჰქონდა პრემიერა მის მომდევნო ნამუშევარს LA TRAVERSÉE. ბერლინალეზე კი
შედგა მისი პროდიუსერობით შექმნილი ფილმის I AM JOSH POLONSKI'S BROTHER
პრემიერა.
საიმონ ჯადი (დიდი ბრიტანეთი, აშშ) უკვე 20 წელიწადია სერიალების სცენარების
განვითარების მიმართულებით მუშაობს. მისი კარიერა BBC-ში დაიწყო, შემდგომ კი
ITV Studios შეუერთდა და მალე BBC Drama North-ის განვითარების მიმართულების
ხელმძღვანელი გახდა. BBC-სთან მუშაობის პერიოდში იგი მონაწილეობდა უამრავი
BAFTA-ს ჯილდოს მქონე ეპიზოდურ დრამაზე IN THE FLESH, ასევე, ჯეიმს
ჰერბერტის THESECRET OF CRICKLEY HALL-სა და BBC1 კრიმინალურ სერიალებზე
FROMDARKNESS და IN THE DARK.
ფილიპ კასპერაჟეკი (პოლონეთი) სცენარისტი და პროფესორი, ‘’ბერლინალეს
ტალანტების’’ მენტორი,ასწავლის სცენარის წერის ხელოვნებას ნიუ იორკის
კოლუმბიისუნივერსიტეტსა და ლოძის კინოსკოლაში, არის
პოლონეთისსცენარისტთა გილდიის ნომინანტი - საუკეთესო სცენარი
2022,ჰოლივუდის უცხოური პრესის ასოციაციის წევრი. ფილიპი ასევე იყო Netflix-ის
სერიალ Ultraviolet-ის სცენარისტი. მილიმეტრ ფილმი დაარსდა 2011 წელს, თბილისში, და ამჟამად წარმოადგენს ერთ-
ერთ უდიდეს საპროდუქციო კომპანიას კავკასიაში საკუთარი ტექნიკის ბაზით.
2011 წელს დაარსებიდან დღემდე „მილიმეტრ ფილმმა“ აწარმოა უამრავი
ქართული კინოფილმი, მათ შორის საერთაშორისო ჯილდოს მფლობელები.

Comentários


bottom of page